Matapos sabihin ni Vice Ganda na game na game siya kung sakaling makuha siya bilang kapalit ni Ruffa Gutierrez sa The Buzz, handa rin kaya siya sakaling bara-barahin siya ni Kris Aquino sa show? “Ay, okey naman po. Si Kris Aquino naman siya.” Hindi rin daw siya magwa-walkout kung sakali mangyari ito. “Ay, hindi hindi ako magwa-walkout. Ako rin nangnonopla rin, e. Kaya dapat handa ka r’yan.”
Hindi rin daw babarahin ng komedyante ang Queen of All Media. “Yung kapag sinopla niya ako, ‘yung ide-defend ko lang ang sarili ko. Pero ‘yung sosoplahin ko siya, e may respeto naman ako sa kapwa lalo na sa mga nakakataas sa akin. At alam ko kung sino lang ang dapat ko namang tatantyahin kung sino lang ang dapat kong salingin o hindi.”
Samantala, tuluy-tuloy pa rin ang pagsikat ni Vice na kinuhang endorser kamakailan ng Calayan Surgicenter. Nagpahayag pa nga ang komedyante na may artistang gusto niya maging kamukha. “Si Gretchen (Barretto) kasi ewan ko parang sobrang timeless ng ganda niya. May nakita nga ako na picture dati ni Gretchen nu’ng ano pa, 14 Going Steady. Parang hindi masyadong nagbago ang mukha niya. Ang tagal niyang tumanda kaya gusto ko si Gretchen. Isa pa, gusto ko si Angelina Jolie. Itotodo ko na ha. ‘Tsaka Audrey Hepburn. Isa pang lokal? E kasi baka mamali ako. Baka may ini-endorse silang iba, e. Ah, si Anne Curtis. ‘Yung Gretchen kasi mataas na level. ‘Yung Anne Curtis, bagets. Bagets na dyosa. Kasi parehong dyosa ‘yun, e.”
Sino naman ang tatlong lalaki na gusto niyang mag-text sa kanya kapag super ganda na siya? “Si Piolo (Pascual), siyempre itotodo ko na ‘yun. ‘Yun ang pinaka-gwapo dito sa showbiz.” At kung ano naman ang ite-text sa kanya, sagot ni Vice, “’Pwede ka ba tonight?’ Number two ko si Sam Milby. Gusto ko i-text niya sa akin, ‘Uy, pwede rin ako tonight, ha.’ Hahaha! Pangatlo, si Jon Avila at ang text niya, ‘Free ako tomorrow night. Hahaha!”
Pero kahit nagbiro man si Vice tungkol sa kanyang dream texters ay happy naman ito sa kanyang love life. “Meron naman pero hindi siya ang pina-prioritize ko. Hindi naman siya fling. Relasyon talaga.” Pero dahil sa kanyang ka-busyhan at halos hindi rin sila nagkikita ng kanyang boyfriend. “Bihira na, dati everyday. Siguro ngayon mga once a week, once every two weeks. Non showbiz ‘yung guy.”
Share