Nakikita na talaga ang effort ng Party Pilipinas na mapaganda ang show dahil sa opening number pa lang nakakalula na ang dating. Maging ang choices ng mga dance numbers at costumes, sobra ang ganda. Malaki rin ang silbi ng pinagtatanghalan na bagong studio ng GMA na fully-equipped with top-of-the-line na kagamitan.
Kaya nga pati na ang POV5 ng TV 5, kinakikitaan na rin ng effort para makasabay. Engrande rin ang mga production noong linggo kabilang na ang dance number nina Richard Gomez at Lucy Torres, gayundin ang isang Broadway hit number ang itinampok na kinabibilangan nina Frenchie Dy, Danita Paner at mga kabataang talents ng TV5.
Of course, hindi patatalbog ang ABS-CBN sa kanilang ASAP. Kaya lang nakakasawa na talaga ang sobrang commercials. But then, wala rin tayong magagawa dahil ang mga ito ang bumubuhay ng istas-yon.
Nasa kamay na ng viewers kung saan nila gustong manood. Competition is good.
Share
