Nairaos nang maayos ang 2nd Star Awards for Music ng PMPC kamakalawa sa Henry Lee Irwin Theater ng Ateneo de Manila University.
Kapansing-pansing mga Kapamilya stars ang karamihang winners at present silang lahat para tanggapin ang kanilang award.
Nangunguna si Piolo Pascual kung saan wagi ang kanyang revival album na Decades ng Best Revival Album at Album Cover.
Siya rin ang napiling Male Star of the Night, at si KC Concepcion ang Female Star of the Night.
Magandang birthday gift para kay Erik Santos ang pagkapanalo niyang Male Pop Artist of the Year at naka-tie niya si Christian Bautista bilang Male Recording Artist of the Year.
Ang kantang Pusong Ligaw na nilikha at inawit ni Jericho Rosales ang napiling Song of the Year. Ramdam mo ang sobrang kagalakan sa aktor dahil tama raw ang desisyon niyang tumigil pansamantala sa pag-aartista at mag-focus sa musika.
Si Sarah Geronimo ang nagwaging Female Recording Artist at siya rin ang napiling Female Face of the Night ka-partner si Jericho na Male Face of the Night.
Naaliw kami nang ibinigay ang Face of the Night na special award kay Sarah, hindi niya hinawakan ang symbolic gift cheque na worth P100,000 of services mula sa sponsor nilang Shimmian Manila Surgicenter.
Endorser si Sarah ng Belo Medical Group kaya maingat siya at hindi hinawakan ang gift cheque ng Shimmian.
Ilan pa sa mga winners ay ang mga sumusunod:
Album of the Year: Lapit ni Yeng Constantino
Duo/Group Artist of the Year: La Diva
Music Video of the Year: Kasiping ng La Diva, dinirek ni Louie Ignacio
Dance Album of the Year: Supahdance 2
Pop Album of the Year: Jim Brickman Songbook ni Eric Santos
Female Pop Artist of the Year: Nina
Rock Album of the Year: In Love and War na collaboration nina Francis Magalona at Ely Buendia
Rock Artist of the Year: Slapshock
Acoustic Album of the Year: Aiza Seguerra Live
Female Acoustic Artist of the Year: Aiza Seguerra at Sabrina
Male Acoustic Artist of the Year: Chris Cayzer
RnB Artists of the Year: JayR
Share
